اسئلة العلماء ملاؤش حل ليها تئدروا انتو تحيلوهالى؟؟؟؟؟؟؟؟؟؟؟؟؟؟؟؟ م

الكهرباء لما
بتتقطع بتروح فين؟!

لما تطلب ساندوتش من مطعم وتحب تضيف عليه اى إضافة بيزودوا سعر الساندوتش،
طيب ليه لما بتحب تشيل حاجه من محتويات الساندوتش سعره مابيقلش؟

ليه بيقولوا (الحب أعمى)، ومع ذلك كل أغاني الحب عن (العيون)، نور العين
وسحر عينيك وعينيك واحشاني وعينيك كدابين وحبيبي وعينيه أصلاً؟!

طيب لو كان الحب اعمى ..ليه واكلين دماغنا بالحب من اول نظرة؟

لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك
(كابتن ماجد)؟

الأخرس بيكلم نفسه إزاى؟

معروف إن (اللي يتلسع من الشوربة ينفخ في الزبادى)، بس.. هل لو (نفخت في
الزبادى) يبقى دا معناه إني (إتلسعت من الشوربة)؟!

ليه البنات بتفتح بقها وهيا بتحط (ماسكرا) ؟

إزاي لما اسأل عن مقر النادي الأهلي فين، الاقي الإجابة.. النادى الأهلى في
الزمالك ( منطقة) ؟!

ليه الناس مابتقولش (الرياضة فايز ومهزوم) غير لمّا تتغلب؟

ليه الشامبو بيبقى بالخوخ الطبيعى بينما عصير الخوخ بيبقى معمول بنكهة
الخوخ؟

ليه اللي سايق عربية ومشغل الكاسيت أو الراديو.. أول ما يدخل شارع ضلمة
يروح موطى الصوت فوراً؟!

ليه لمّا الواحد يكون واقف مستنى الأسانسير بعد ما داس على الزرار اللي
بيستدعى الأسانسير وبقى منور وباين إنه منوّر، ييجي واحد تاني بعد ثواني
يبص لك ويبص للزرار المنور ويروح دايس على الزرار تاني؟!

ليه هيفاء وهبى بتقول "أنا بردانة أح"، مع إن "أح" تقال للحاجه السخنة،
يعني المفروض تقول "أنا بردانه "بررررررر".

إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟!
وإذا كنت من المتفرجين، طيب هم المتفرجين بيقعدوا فين؟!

لو الصاعقة نزلت على حد بيموت متكهرب فورا، طيب لمّا الصاعقة بتضرب البحر،
ليه السمك اللى فى البحر مابيموتش متكهرب؟

لو البوليس وهو رايح يقبض على حد شاف فى السكة جريمة بتحصل ، بيمنعها ولاّ
بيركز فى المهمة اللى طالع علشانها؟

طيب هل حصل فعلا فى يوم من الايام أن فيه واحد (ضرب عصفورين بحجر)؟

ليه لما يكون الواحد جوه عربية والعربية داخلة هتعدى من نفق؟؟ تلاقى الواحد
يوطى رأسه كإنه هو شخصياً اللي هيعدى من النفق مش العربية؟!

ليه لما تسأل واحد على العنوان وتقول له "شارع كذا فين؟!" يرد عليك بسؤال
"هما قالوالك فين؟!"

ليه الناس في الشارع بتستخدم أدوات نداء لتوقيف أي شخص، أدوات نداء مالهاش
أصل في اللغة و ينفع تنادي بيها على أحد في المطلق زى. بسست، والنبى يا،
ويا كابتن، وباقولك وخُد يا، وأيوه يا، وليه أدوات النداء دي بتوقف الشخص
المقصود بالذات؟!

بيقولوا (لكل قاعدة استثناء)..طيب ايه الأستثناء بتاع القاعدة دى؟

طيب ليه المذيعة بتقول أعزائي أفراد الأسرة.. وهى ما تعرفش حد فينا؟!

ليه الشخص اللي يسألك "الساعة كام" لازم يرفع لك دراعه الشمال ويشاور على
مكان الساعة بصباعه "لو سمحت الساعة كام"....

اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم
أيه؟

طيب ليه اللي يسألني عن الساعة لازم يحلفني "الساعة كام والنبي؟!".

ليه الكتابة على التي شيرت لازم تكون بالإنجليزي، ليه ماحدش بيكتب على التي
شيرت بتاعته بالعربي.. مثلاً "اللي ذاكر ذاكر خلاص".

اذا كان زيت الذرة معمول من الذرة ، و زيت عباد الشمس معمول من زهرة عباد
الشمس، طيب الbaby oil معمول من ايه؟

لمّا البوليس بيهجم على شقة ويكسّر الباب، مين المسئول إنه يصلّح الباب ده؟

لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس

اسئلة العلماء ملاؤش حل ليها تئدروا انتو تحيلوهالى؟؟؟؟؟؟؟؟؟؟؟؟؟؟؟؟ م User_online

اسئلة العلماء ملاؤش حل ليها تئدروا انتو تحيلوهالى؟؟؟؟؟؟؟؟؟؟؟؟؟؟؟؟ م Quote

شو ها الاسئلة المحيرة اسئلة العلماء ملاؤش حل ليها تئدروا انتو تحيلوهالى؟؟؟؟؟؟؟؟؟؟؟؟؟؟؟؟ م Icon_question

بصراحة املى خاب فيكى اسئلة العلماء ملاؤش حل ليها تئدروا انتو تحيلوهالى؟؟؟؟؟؟؟؟؟؟؟؟؟؟؟؟ م Kopfschuettel

هههههههههههههههههههههههه ايه الاسئلة الصعبة دى دااامتحان الفيزيا كان اسهل
بس فى سؤال محيرنى هما البنات بيفتحوا بقهم وهما بيحطوا مسكرة بجد
ولو فعلا بيفتحوه انت عرفت ازاى
اصلى بصراحة عمرى ماشفت واحدة بتحط مسكرة قدامى

ههههههههههههههه موضوع راااااائع و مثبت

شكرا ليكوا و شكرا لهارى بوتر علا التثبيت

انا ممكن احل الموضوع بتاعك بس بدى اخد وقت كتير راح اكتبه بعدين

ماشى برحتك

1_بترجع لشركة الكهرباء2_لما تزود حاجة على الساندويتش بتدفع عليها فلوس عشان مفيش حاجة فى الزمن دة من غير فلوس وده بيبقى برغبتك ومبتقلش الفلوس لان سعر الساندويتش سابت مبيتغيرش وحد قال لك شيل اى حاجة منه وده برغبتك برده3_ الحب اعمى علشان مبيشوفش الى رايحله وبعدين مش كل الاغانى عن العيون وبعدين الاغانى كلها تمثيل كدب يعنى4_مش كل الناس هيقولوالك كابتن ماجد فى هبقول يادكتور ماجد يا استاز ماجد يا سيادة الطيار ماجد5_الاخرس بيتكلم مع نفسه بالمشاورة بيده6_لا لكن الزبادى معروف انه بيبقى بارد يمكن عشان نخفف سخونة الشوربة7_ما بعرف يمكن البنات بيحطوا ماسكرا وبيفتحوا بقهم عشان الماسكرا ينشف او عشان الهوى يدخل بقهم ويتحول الى قلبهم هههههكمل بعدين يا كريم

ميرووووووووووك على التثبيت اسئلة العلماء ملاؤش حل ليها تئدروا انتو تحيلوهالى؟؟؟؟؟؟؟؟؟؟؟؟؟؟؟؟ م Icon_cheers

راح كمل بعدين ومبرووووووووووووووووووك على تثبيت الموضوع

اللة يبارك فيكوا و شكرا لرون علا الاجابات

ويبارك فيك

مبروك على التثبيت
بس انا بردوا معرفتش انت بتعرف منين انهم بيفتحوا بقهم وهما بيحطوا مسكرة

اختى كل شويا تخش تعمل مسكرة وبتفتح بقها و هيا بتعملهل نفس النظام مع بنت خالى و بنت خالتى و مع ماما

يعني انت بتراقبهم وهم بيحطو مسكارة بس المسكارة بتخرب النظر

اسئلة جامدة جداااااااااااااا

ههههههههههههههه بجد حلو اوى شكرا على المجهود Very Happy

شكرا علا الردود يا جماعة معلش انا مكنتش قادر ارد عليكوا علشان كان عندى امتحنات فى الجامعة اسئلة العلماء ملاؤش حل ليها تئدروا انتو تحيلوهالى؟؟؟؟؟؟؟؟؟؟؟؟؟؟؟؟ م Icon_lol